Martxoaren 23an  “Etorkizuna errausten” proiekzioa ikugai izango da Lizartzan.

Lizartzako Zero Zabor taldeak ekimen honetara gerturatzeko deialdia egiten du erraustegien nondik norakoak ezagutzeko eta gertuko kasu baten adibidea ezagutzeko aukera eskainiko baitu.

Lizartzan, 2012ko martxoaren 9an

Aurkezpenarekin hasi baino lehen, eskerrak eman nahi dizkizuegu gaurkoan deialdi honetara gerturatu zareten guztioi.

Lizartza Zero Zabor taldearen aukezpena egiteko bildu gara arratsalde honetan. Talde hau herrian dugun hondakinen arazoari aurre egiteko sortu da; gure asmoa Gipuzkoako hondakinen arazoaren berri eman eta honi aurre egiteko Lizartzan Zero Zabor programa bat martxan jartzeko lanean aritzea izango da.

Programa hau aurrera eramateko herritarrok hiru eginkizun ditugu; horietako bat murriztea litzateke, hondakinik hoberena sortzen ez den hura baita; bestea berrerabilpena, produktuen bizitza luzatuz hondakinik ez delako sortzen; eta azkena birziklapena litzateke; sortu dugun hondakin hori zabor bihurtu ez dadin.

Gipuzkoan, Zero Zabor programa horren bidea hartzen aitzindari izan zen Usurbil; Hernanik, Oiartzunek eta Antzuolak jarraiturik, eta zorionez beste hainbat udalerrik, tartean eskualdeko batzuk, bide hori hartzeko konpromezua erakutsi berri dute, albiste pozgarria benetan.

Lizartza Zero Zabor taldeak, herri honek, Gipuzkoako 38 herri horiek bezala, norabide horretan aurrera egin dezan lan egingo du eta gure herritarrak ere gauza bera egitera animatzen ditugu, sortu dugun egoera honi aurre egiteko arazoaren inguruan kontzientziatzea eta parte-hartzea ezinbestekoa baita.

Bukatzeko Tolosako PSE-EEk, pasaden astean egindako adierazpenei ere erantzun bat eman nahiko genieke. Alderdi honek atez ateko bilketa sistema ekonomikoki jasanezina dela dio, <<Tolosako herria hipotekatu nahi dela>> esanez. Horregatik, materia organikoa biltzeko bosgarren edukiontziaren aldeko jarrera adierazten dute, hau ekonomikoki jasangarriagoa delakoan. Atez ateko sistema garestiago izan daiteke bilketa berak lan gehiago eskatzen duelako, baina atez atekoarekin askoz gehiago birziklatzen denez, hondakinen %90-a gaika biltzen baita (bosgarren edukiontziarekin %35 besterik ez), zabortegira askoz tona gutxiago botatzen dira eta ondorioz herriak asko aurrezten du gaikako sistemari esker ( Hernanin, adibidez, hilero 47.000 euro aurrezten dira). Xehetasun hau, kasualitatez, Tolosako PSE-EE-ri pasatu egin zaio…

Atez ateko sistemaren aurka daudenek, Tolosako PSE-EE alderdi politikoko kideek adibidez, Zubietan eraiki nahi duten Erraustegia, ez dute, ziurrenik, begi txarrez ikusiko ( atez ateko sistemarekin bakarrik gelditu daitekeelako erraustegia); akaso gure osasunarentzat oso toxikoak eta kaltegarriak diren sustantziak atmosferara isuriko lituzkeen erraustegiak ez al gaitu gipuzkoar guztiak hipotekatuko; iturri batzuen arabera 1.000 miloi euro inguruko kostua duen proiektua denean?

Nahikoa omen da atez ateko sistema martxan dagoen herrietara bisita bat egitea, herri hauetan dagoen zikintasuna eta osasungarritasun ezaren arriskuaz jabetzeko. Guk, Lizartzako Zero Zabor taldeak bisita hori elkarrekin batera egiteko gonbidapena luzatzen diogu Tolosako PSE-EEri, esaten ari den gezur horiek nola ezeztatzen dituzten ikusteko irrikitan baikaude. Hor doa ba luzapena.

Gonbidapenak egiten hasita, beste bat ere egitera ausartuko gara: inongo oinarri fidagarririk ez duen alarma soziala sortzea uztera era gonbidatzen ditugu, ez baitugu ulertzen bide horretatik nora iritsi nahi duten.

Besterik gabe, berriz ere eskerrak ematen dizkizuegu hurbildu zareten guztiei eta epe laburrean burutuko ditugun ekimenetan parte hartuko duzuelakoan agurtzen gara.

Lizartza Zero Zabor (LZZ)

Lizartzan ere atez atekoa ate joka dator!

Esan bezala, taldeak gaikako bilketarako kuboak eta berauei buruzko panel informatiboak jarri ditu herrian. Mozorroturik eta umorez hondakinen arazoa herriari helarazten saiatu da.

]]> http://lizartzazz.wordpress.com/2012/03/07/lzz-taldearen-zenbait-ekintza/feed/ 0 lizartzazz Gaikako bilketarako ontziak, panel informatiboak eta haize errotak. Taldea mozorroturik http://lizartzazz.wordpress.com/2012/02/29/3/ http://lizartzazz.wordpress.com/2012/02/29/3/#comments Wed, 29 Feb 2012 21:39:59 +0000 lizartzazz http://lizartzazz.wordpress.com/?p=3 ]]> Datorren ostiralean, martxoak 9, Lizartza zaro zabor (LZZ) taldearen aurkezpena egingo da

Ondo izan!